lajme - përkthim
Daniel Hanan
Shkakto nji aksident tue vozitë nji nga makinat e Komisionit Europian nën efektin e alkoolit dhe mundesh me pritë qortim. Përfshiju në nji sherr në ndërtesën e Komisionit dhe ngritja në detyrë ka me t'u vonue. Fryji shpenzimet dhe me gjasë kanë me të largue një vend tjetër pune. Dënohu nga nji gjykatë kriminale se “jeton prej fitimeve imorale dhe mban motel kurvash” dhe do të ulesh në detyrë. Dënohu për shkelje pedofilie dhe ka me t'u ulë pensioni.
Ama po shkrove nji libër që sulmon euron (siç bani Bernard Konolli [Connolly]) ose dil publikisht me hamendësime për mashtrime në buxhet (siç bani Marta Andreasen) dhe ke me u përjashtue.
Tashti, asht e vërtetë që nuk i di hollësinat e gjithë këtyne rasteve, megjithëse i njoh shum mirë këto dy të fundit. Ndoshta, në disa raste, ka pasë rrethana të diskutueshme. Prapseprap, asht e vështirë me e shmangë përfundimin që BE-ja e gjykon kriticizmin ndaj tij si një shkelje të pafalshme.
| Random Content | |