lajme - përkthim
Goldman Sachs ishte në qendër të vemendjes nandorin e kaluem kur demonstruesit protestuen jashtë zyrave të saj n'Uashington kundër bonuseve të drejtuesve ekzekutivë. Dritshkroja: Andrew Harrer/Bloomberg përmes Getty Images
Financa e Madhe në shekullin XXI na del se paska qenë Mashtrimi i Madh. Prapseprap, Britania, qendra e sistemit botnor financiar, ende nuk ka paditë asnji bankë; gjithë çka kemi pa janë hamendësimi i nji qarku ujdish të mbrendshme të nivelit të naltë që në mënyrë të turpshme përfshin nji bankier i cili asht këshilltar i qeverisë. Na duhet me jetue me trillimin që bankat dhe bankierët tonë janë ma të bardhë se bora dhe çdo përpjekje me i hetue ata dhe institucionet e tyne ka me shkaktue nji eksod masiv drejt maleve të Zvicrës. Politikanët e Laborit bashkë me Torit janë qingja në mes t'ujqve.
Veç merrni parasysh listën emnore mbas Goldman Sachs-it. N'Irlandë Shon Ficpatrik, ish-kreu i bankës anglo-irlandeze asht arrestue muejin e kaluem dhe asht pyetë lidhun me mashtrimet e gjasshme. N'Islandë javën e kalueme nji dosje e mbledhun nga parlamenti i saj mbi bankat islandeze - huazues viganë në Britani – iu dorëzue shërbimit të prokurorisë publike. Nji hetues caktue nga gjykata zbuloi se banka ivestuese e falimentueme Lehman me qëllim e manipuloi bilancin financiar për me u dukë ma i fortë se ç'ishte - llogari t'auditueme ma përpara nga firma britanike Ernst and Young dhe me dritë jeshile ligjore nga firma britanike Linklaters. Në Zvicër UBS-ja po mbron veten nga Shërbimi i Brendshëm i t'Ardhunave i ShBA-ve pse me gjasë ka mbajtë 17.000 llogari të përtejdetit për me iu shmangë taksave. Të jeni të sigurtë se ka me pasë zbulime të tjera ma vonë – përveç se në Britaninë shenjtore.
lexoje të plotë artikullin këtu